Për Juventusin asgjë nuk është e pamundur dhe këtë e tregoi me blerjen e Cristiano Ronaldos. Tashmë kampionët e Italisë duan të bëjnë një “goditje të dyfishtë” nga Reali i Madridit, me blerjen e Marcelos dhe Iscos. Të dy kanë fituar gjithçka me madrilenët dhe këtë sezon duket se janë jashtë objektivave me skuadrën e Solarit, ndaj kërkojnë largimin.
Në Spanjë mediat e bëjnë fakt të kryer akordin mes Realit, Marcelos, dhe Juventusit për 45 milionë euro plus 12 milionë bonus. Juventusi kërkon ta blejë mbrojtësin e krahut, por me një shumë më të vogël. Ndërkohë, situata komplikohet për Iscon, pasi në Itali e kërkojnë edhe Interi dhe Napoli./Opinion.al
