Pas vendimit të Konferencës së Kryetarëve se sot do të zhvillohet seanca plenare në orën 17:00, Partia Demokratike ka nisur mobilizimin e strukturave për protestë para Parlamentit.
Sipas informacioneve, mbështetësit e Partisë Demokratike do të jënë që në orën 16:30 përpara Parlamentit. Kështu, një seance jashtë radhe të mazhorancës, opozita i përgjigjet me një tjetër “protestë jashtë radhe”, pasi në planin e demokratëve protestat do të zhvillohen çdo të enjte.
Kuvendi vendosi të zhvillojë seancë plenare ditën e sotme për të zëvendësuar seancën e anuluar të 21 shkurtit, për shkak të protestës së opozitës.
I menjëhershëm ka qenë edhe reagimi i Edi Palokës, nënkryetar i grupit parlamentar demokrat, që e quajti mbledhje ilegjitime.
“Kuvendi ilegjitim, mblidhet ne ilegalitet. Pasi e rrethuan me tela me gjemba dhe salduan dyert hyrese, tani kane filluar ta mbledhin dhe ne ilegalitet. Seancen e se enjtes , po kerkojne ta mbledhin fshehtas sot ne oren 17.00. Sa mendoni se do zgjasni keshtu?! Tik-tak… Nga “kuvendi” i Kristaqit, tek i Edvinit”, ka shkruar Paloka në Facebook./Opinion.al
