Përmes një postimi në Insta Story, Almeda Abazi ka reaguar ndaj veshjes së Lady Gaga-s në ceremoninë e ndarjes së çmimeve “Oscar”.
Ajo ka publikuar një foto ku shfaqet, Gaga, Audrey Hepburn dhe vetë ajo. Almeda pretendon se Gaga e ka kopjuar dhe duket se e gjitha kjo nuk i ka pëlqyer aspak pasi ka shkruar:
“Unë s’do ta kisha bërë këtë Gaga e dashur. Ideja ime.”
Fotoja e Almedës është shkëputur nga një puntatë, teksa prezantonte “Dancing with the stars” në Shqipëri dhe veshja është thuajse identike me atë të ikonës së modës dhe kinematografisë, Audrey Hepburn. Ndërsa Gaga veshi në tapetin e kuq të “Oscar” një fustan të zi, me doreza të gjata, inspiruar nga Audrey, por me disa ndryshime të vogla, pasi forma e fustanit në pjesën e sipërme është bust dhe në pjesën e poshtme ka disa detaje ekstra.
Rikujtojmë se stilisti i Gagas e pranoi se është frymëzuar nga aktorja britanike Audrey Hepburn, duke theksuar se fustani është i ngjashëm, por ka disa detaje të cilat bëjnë diferencën.
Ndjekësit e kanë quajtur të pavend pretendimin e Almeda Abazit, duke shtuar që është kopjuar Hepburn dhe jo ajo, madje kanë shtuar se Gaga është treguar disa herë më origjinale pasi nuk ka veshur identik fustanin e aktores, por e ka përshtatur me stilin e saj.
“Almeda po flet budallalliqe, ti po akuzon dikë që të ka kopjuar ty, ndërkohë që ti ke kopjuar dikë tjetër? Absurde, Gaga me siguri as që të njeh, dhe mbi të gjitha u tregua më origjinale se ty se futi detaje nga vetja.”, shkruante një ndjekës./E.M
