Kryesia e Partisë Demokratike shkarkoi nga funksionet dhe anëtarësia e partisë deputetin e Qarkut Fier, Myslym Murrizi. Ky vendimi erdhi pasi ai doli kundër vendimit të Këshillit Kombëtar për mandatet. Por deputeti duket se e ka përjetuar keq këtë vendim, dhe pas reagimit për Opinion.al ka bërë dhe një status në rrjetet sociale ku akuzon drejtpërdrejt Lulzim Bashën.
Sipas tij, përballë kësaj mazhorance mandati i deputetit është thjeshtë një copë letër e pavlerë ,por “braktisja” e tij bie ndesh me interesat euroatlantike në vendit. E për kryedemokratin ai nuk nguron të thotë: “Unë kam qenë deputet në vitet kur këta që janë sot si “Lidera” në PD, kane qenë gjysma refugjat e gjysma të larguar si qen të pshurrur nga frika (1997-2001)”.
Deputeti i qarkut të Fierit shkruan më tej se, vendimi për djegien e mandateve është kundër këshillave të SHBA e BE dhe një akt për shkatërrimin e Partisë Demokratike.
LEXO EDHE: Myslym Murrizi nuk e la mandatin, Berisha ka një koment
“Jam koshient që vendimi im do të paragjykohet nga shumë njerëz me dhe pa të drejtë siç jam i sigurt në ndërgjegjen time që s’kam asnjë faj për situatën dramatike që po kalon vendi dhe sistemi i kalbur i prodhuar nga klasa politike e këtyre 28 viteve tranzicion. Unë nuk kam asnjë përgjegjësi për 1 milion shuplakat që morën kundra në vitin 2013, këta që sot bëjnë sikur janë te virgjër”./ G.F Opinion.al
