Ish-kryeministri Sali Berisha, një ditë pas protestës dhe dorëzimit të mandateve nga opozita ka komentuar reagimet e ndërkombëtarëve.
“Asnjë përfaqësues i vendeve demokratike nuk mbështet një veprim të tillë, por unë dua të sigurojë të gjithë miqtë tanë se ky është një veprim që ka një qëllim të vetëm, mos pranimin për të qenë fasadë e së keqes dhe dalje në shesh betejë. Iu bëj thirrje, kam mirëkuptim për kritikën, të vijnë të shikojnë realitetin këtu në Shqipëri dhe në Tiranë. Iu sigurojë që do gjejnë një realitet krejt ndryshe nga ai në dosjet e tyre”, deklaroi Berisha.
Ky vendim është ndikuar nga rrethana të jashtëzakonshme, theksoi mw tej ish-kryeministri. Berisha po ashtu iu bëri dhe një apel socialistëve: Çdo gjë ka një fund dhe fundi është i afërt. Iu bëj thirrje socialistëve, në interesin e tyre dhe Shqipërisë të largojnë me urgjencë Edi Ramën dhe klikën e tij nga pushteti. E them me bindjen më të thellë se urrejtja ndaj Edi Ramës dhe regjimit të tij bëhet çdo ditë e më e pakufishme. Ata duet ta dinë se unë kam konstatuar në datën 16 dhe dje, atë urrejtje që e kam takuar vetëm në vitin 1990 ndaj diktaturës. Unë i bëj thirrje socialistëve, mos nënvlerësoni situatën, sepse dënimin, ndëshkimi mbarë popullor për Edi Ramën po afron dhe do jetë tepër i rëndë. T’i thërrasin mendjes, atyre që iu ka ngel pak atdhetari të mos lejojnë përshkallëzimin. Ky është një revulsion i filluar nga studentët. Studentët e zbërthyen e nxorën lakuriq të ziun më zi se sa në plazhet e botës. Tani e kanë marrë fjalën qytetarët nga mbarë Shqipëria. Çdo javë e Edi Ramës në pushtet është rrezik madhor kombëtar. Deklaratat Berisha i bëri pas vizitës në Muzeun Kombëtar të ekspozitës “The Donald” të piktorit Avni Delvina. /G.F Opinion.al
