Ndërkombëtarët kanë reaguar, ndërsa shprehin shqetësim për vendimin e opozitës për djegien e mandateve të deputetëve. Veç reagimit ditën e protestës një koment për zhvillimet e fundit politike ende nuk e ka dhënë Presidenti Ilir Meta. A do të jetë ky politikani që do të ulë në një tryezë liderët?
Koha do ta tregojë, por krerët e mëparshëm të shtetit e kanë bërë. Në 2006 rol të rëndësishëm mori ish-Presidenti, Alfred Moisiu. Ishte aktori kryesor i uljes në një tavolinë të shumicës dhe opozitës dhe arritjes së marrëveshjes mes tyre për zgjedhjet duke shpëtuar vendin nga kriza.
Më pas, në vitin 2010 e bëri Bamir Topi. Gjatë këtij viti zoti Topi realizoi takime me Sali Berishën që ishte kryeministër dhe Edi Ramën, që drejtonte opozitën. Opozita në atë kohë kishte bojkotuar Parlamentin.
Por në ditët e sotme, ka dhe një ngërç mes shefit të qeverisë dhe Presidentit. Edi Rama e cilëson Ilir Metën si drejtuesi më serioz i opozitës. /G.F Opinion.al
