Policia e Tepelenës ka gjetur sot të vrarë shtetasin Sokol Rama i cili ishte denoncuar i zhdukur prej dy javësh nga familjarët.
Sipas komunikatës së policisë, Rama u gjet i pajetë në zonën e Malëshovës, në vendin e quajtur “Përroi i Thellë”, që i përket si territor Bashkisë së Këlcyrës.
Trupi i tij u gjet i pajetë në makinë, ndërkohë që është e paqartë ende se kur ka ndodhur ngjarja, dhe përse nuk është pikasur nga banorë të zonës.
Po sipas Policisë nga kqyrja e trupit, dyshohet se Rama është vrarë me armë zjarri.
I dyshuar për këtë ngjarje mendohet të jetë shtetasi Roland Milo, edhe ky i deklaruar i zhdukur prej dy javësh, që është edhe shoku i tij i ngushtë.
Milo është banor i fshatit Miçan në Frashër të Përmetit dhe punonte si shofer i administratorit të kësaj zone.
Një nga dyshimet e para mbi vrajsjen e Sokol Ramës është prishja e pazareve të drogës, ndërkohë që ishte i skeduar edhe më herët për vjedhje. Dl/ Opinion.al
