Duhani mund të dëmtojë imunitetit e të sëmurëve me kancer të lëkurës (Melanoma) duke ulur shanset për mbijetesë tek pacientët. Përmes një studimi të fundit në Britani pacientët që vuajnë nga kanceri i lëkurës dhe që kanë një të shkuar si duhanpirës, kanë 40% më pak shanse për të mbijetuar se ata persona që nuk kanë pirë duhan brenda një dekade nga diagnostifikimi me këtë sëmundje, sipas gazetës “Cancer Research”.
Kërkime të tjera kanë treguar se duhani ka ndikim në uljen e sistemit imunitar, por ende nuk dihet cili kimikat i tij e shkakton. “Sistemi imunitar është si një orkestër me shumë pjesë. Studimi tregon se duhani e çrregullon këtë sistem, duke mos ‘luajtur’ më në mënyrë të rregullt,”-shkruajnë kërkuesit.
Duhani mund të ndikojë direkt në mënyrën sesi trupi reagon ndaj qelizave kancerogjene të melanomës. Në këtë studim janë përfshirë rreth 700 pacientë me melanomën dhe ka për qëllim të ndërgjegjësojë personat me këtë sëmundje që të lënë duhanin, sidomos nëse është kancer malinj I lëkurës./Xh.K/Opinion.al/
