Asnjë deputet nuk do dezertojë nga vendimi që ka marrë opozita e bashkuar për të djegur mandatet. Monika Kryemadhi ka siguruar se deputetët do të lënë mandatet. Akuza të forta zonja Kryemadhi hodhi për kryeministrin Edi Rama, ndërsa tha se ecën me logjikën e diktatorit.
“Asnjë deputet nuk do dezertojnë. Kuvendi le të vazhdojë dhe po të ikim ne. Edi Rama nuk merr seriozisht fëmijet e vetë, jo më ne. Ai merr seriozisht atë kërpudhën dhe nuk merr seriozisht fëmijët e Skraparit që i ka lënë pa bukë. Ai ecën me logjikën e diktatorit. Ai mendon se situata është në favor të vetë, se ka 10 veta që i thonë: Ti je mbret!”, deklaroi Kryemadhi në Ora Neës.
E pyetur se a ka frikë opozita nga drejtësia, Kryemadhi deklaroi: “Tani që i hoqëm mandatet aman le të vijnë të na arrestojnë”. Sipas saj kryeministri Rama i ka në dorë sondazhet e fundit ndaj nuk e çon vendin në zgjedhje të parakohëshme. G.F/ Opinion.al
