Gjykata e Shkodrës ka dhënë sot masën e sigurisë arrest me burg për 30 ditë për policin e zonës së Gruemirës, Berhan Bajrakurtaj, i cili u denoncua në media duke publikuar një video të turpshme.
Bajrakurtaj do të qëndrojë në qeli deri në zbardhjen e plotë të rrethanave në të cilën është kryer video me sfond seksual.
Polici u tha se u denoncua në media nga një shtetase e cila pretendon se 53 vjeçari kishte ngacmuar seksualisht vajzën e saj minorene, 15 vjeçare.
Në mesazhin dërguar fillimisht medias, gruaja tha se kishte shkuar të bënte kallëzimin në komisariatin e Malësisë së Madhe dhe më pas në Shkodër, por denoncimi nuk i ishte marrë parasysh.
Nga verifikimet e deritanishme të Policisë, rezulton se nuk ka asnjë denoncues, çka mund të çojë në lirimin e policit Bajrakurtaj, nëse brenda afatit 30 ditor të dhënë nga Gjykata, nuk vërtetohet se video është kryer për qëllime të ngacmimit seksual. Dl
