Shumë të rinj njihen gjatë pushimeve në qytetet e huaja me vizitorë të tjerë. Shpesh ndizet një shkëndijë e cila në fund nuk shkon përtej aventurës. Shkak mund të jetë largësia, por edhe barriera linguistike.
Nuk ka ndodhur kështu me me Chloe Smith dhe Daniele Marisco. 23 vjeçarja nga Anglia dhe 25 vjeçari nga Italia u njohën në Ibiza në një klub nate dy vite më parë. Ata nuk e flisnin gjuhën e njëri tjetrit , por ranë në dashuri me shikim të parë.
Çifti i të rinjve arriti ruajë lidhjen vetëm falë komunikimit me Google Translate dhe duke parë video me titra. Sot ata jetojnë bashkë në Londër. Chloe punon si grimiere, ndërsa Daniele është kamarier në një restorant Italian.
Të dy tashmë kanë mësuar të flasin italisht dhe anglisht vetëm falë praktikës. Ata nuk kanë ndjekur kurse, por kanë ndihmuar njëri-tjetrin. Askush nuk mendoi se lidhja e tyre do të rezistonte, por çifti i provoi të gjithëve të kundërtën./E.L
