Kendall Jenner tregoi hapur se edhe kur je e famshme, fjalët e pakëndshme vrasin. Modelja tregoi luftën e saj për të qetësuar veten lidhur me ofendimet që i bëheshin online asaj dhe familjes së saj.
“Kam qarë pafund për ditë të tëra, për shkak të gjërave që njerëzit më thoshin dhe tani jam bërë më e fortë. Mos më keqkuptoni: Nuk jam super-njeri. Absolutisht që ndjej dhe gjërat që njerëzit shkruajnë online të dhembin shumë. Seriozisht a ka diçka më të keqe se kur ti je e lodhur dhe njerëzit ta përforcojnë dhe të thonë sa e lodhur je?”, tregoi modelja 23-vjeçare për revistën “Allure”.
Por modelja tregoi se ka mësuar si largohet energjia negative dhe si të vetë qetësohet nga talljet, ofendimet dhe paragjykimet.
“Duhet thjesht të jetosh jetën tënde dhe të mos u japësh rëndësi. Mendoj se bëhet shumë e pashëndetshme nëse përfshihesh shumë dhe u kushton vëmendje gjithë kohës”, sqaroi Kendall.
Ajo ceku gjatë intervistës se të rinjtë sot vuajnë shumë nga bullizmi dhe rrjetet sociale luajnë rol kyç në mënyrën si ata ndihen.
“Sot të rinjtë po vuajnë shumë nga bullizmi, këto rrjetet sociale i ngatërrojnë njerëzit. Unë nuk do të postoj ato foto ku dukem keq, jam modele, unë duhet të dukem bukur, por sigurisht që kam shumë komplekse, shumë gjëra që dua ti kem ndryshe. Mos besoni gjithçka që shihni aty, të gjithë shesin më të mirën e vetes në instagram por dhe photoshopi luan rol, ju lutem duajeni veten siç jeni.”, shtoi modelja./E.M
