Ngjarja e ndodhur në Kavajë, ku një minorene, nxënëse në shkollën 9 vjeçare “Rilindja”, është abuzuar seksualisht nga 8 nxënës, ka tronditur mbarë opinionin publik në këtë qytet.
Një nga prindërit i cili është edhe pjesë e bordit të shkollës në fjalë tha për Faxneës, se kjo ishte një ngjarje për të cilën ishin në dijeni prej disa kohësh.
“Kjo është një ngjarje shumë e rëndë që ka nevojë për hetime dhe sqarime të mëtejshme. Por në cilësinë e një prindi, por edhe faktit që jam në Këshillin e Prindërve, pasi herë pas herë bëjmë mbledhje, kjo është një ngjarje që ka ndodhur jashtë ambientit të shkollës, jashtë orarit të saj, dhe sapo janë vënë në dijeni si drejtoresha dhe mësuesi përkatës, kanë bërë denoncimin te prindërit. Indiciet e para i ka marrë mësuesja e vajzës, e cila ka lajmëruar drejtoreshën e shkollës, e cila më pas ka lajmëruar prindërit e vajzës.”, tha njëri nga prindërit e intervistuar.
