Një debat i ashpër në distancë është duke u zhvilluar këtë të diel mes Presidentit nga njëra anë; Kryeministrit dhe Kryebashkiakut nga ana tjetër në lidhje me projektin e Unazës së Re. Kujtojmë se sot në mesditë, Meta priti një grup banorësh që protestojnë tek Unaza e Re prej 3 muajsh. Më pas Meta doli me qendrim publik, ku kërkoi anulimin në tërësi të gjithë projektit për “Rehabilitimin e segmentit rrugor mbikalimi i Pallatit me Shigjeta – Rrethrrotullimi i sheshit “Shqiponja”. Sipas Metës, projekti paraqet shkelje të shumta ligjore të cilat kërkojnë detyrimisht një rishikim të plotë dhe të menjëhershëm të vendimarrjes shtetërore.
Shqetësimit të Ilir Metës, publikuar në një material të gjatë afër 20 faqesh, Rama i është përgjigjur me një status në twitter, ku shkruan se Presidenti është kthyer në një drejtues opozite. Madje Rama thotë se ato çka janë paraqitur me shkrim kundër projektit janë dokrra ligjire.
“E vërteta është se IM është drejtuesi më serioz i opozitës.Kushtetutën e lexon njësoj si ata.Qeverinë e urren njësoj si ata.Rrëmujën e uron njësoj si ata.Po ndryshe nga ata,ai i ul vartësit të mbushin çarçafë me dokrra “ligjore” dhe budallallëkut i del zot gjithnjë shkresërisht”, shkruan Rama.
Por në këtë debat u përfshi dhe Kryetari i Bashkisë së Tiranës, Erion Veliaj. Edhe ai përmes rrjeteve sociale thotë se Meta po u del zot atyre të hurit e zjarrit (protestuesit) që janë pakica. Sipas Veliaj, 99 për qind e qytetarëve duan që ku projekt të realizohet.
Ka reaguar sërish zëdhënësi i Metës, duke i thënë Veliaj se “100 për qind e qytetarëve e neverisin korrupsionin e pacipë dhe kriminal të Unazës së Re!”.
Cdo dite, per ore te tera, bllokohen ne Unazen e Re nga protestat me djegie gomash e hunjsh dhe grupseksionet e dhunshme te PD Kamez ✌️ 99% e qytetareve te Tiranes qe as kane zaptuar e as bejne lojra politike ?
Nese Presidenti inkurajon kete 1% te hurit e zjarrit, kot qe flasim
— Erion Veliaj ?♂️?⚽️?? (@erionveliaj) February 3, 2019
