Në datën 31 gusht, 1997, familja mbretërore angleze ndryshoi përgjithmonë. Princeshë Diana u përfshi në një aksident katastrofik që i mori jetën asaj dhe të dashurit Dodi Fayed. Dodi dhe shoferi, Henry Paul vdiqën menjëherë. Diana nga ana tjetër u dërgua me urgjencë në spital ku mjekët u përpoqën dëshpërimisht t’i shpëtojnë jetën, por pa rezultat. Ata nuk mund të bënin asgjë më shumë, dhe në orën 4 të mëngjesit, Princeshë Diana u deklarua e vdekur.
Princ Charles dhe Mbretëresha Elisabeth ishin me pushime së bashku me William dhe Harry. Charles ishte i pari që u dha lajmin dy djemve që e ëma e tyre kishte ndërruar jetë. Charles u ndje i shkatërruar dhe e dinte që ai dhe familja mbretërore do të fajësoheshin për vdekjen e Dianës. Megjithatë, ai dhe Mbretëresha ranë dakort për një gjë: William dhe Harry ishin prioritet kryesor.
Charles mori vendimin për t’u nisur në Paris dhe të sillte trupin e Dianës në Britani. Ai dëshironte të merrte avionin e familjes mbretërore por Mbretëresha nuk e lejoi. Charles luftoi fort për Dianën, më fort se ç’kishte luftuar ndonjëherë për të kur ajo ishte gjallë. Për këtë arsye Mbretëresha më në fund ra dakort ta lejonte për të marrë avionin mbretëror e të sillte trupin e Dianës në shtëpi. Mëngjesin e ditës tjetër, Charles së bashku me William dhe Harry shkuan në kishë përpara se të niseshin për në Francë së bashku me dy motrat e Dianës.
Charles u prit nga Presidenti francez Jacques Chirac. Shërbyesi besnik i Dianës ndodhej në spitalin ku Diana ndërroi jetë dhe ai e përshkruan princ Charles si “komplet të shkatërrur kur hyri në spital”.
Dianës iu bënë nderimet sipas rregullave mbretërore edhe pse titulli i ishte hequr prej kohësh. 16 orë pas vdekjes, trupi i saj erdhi në shtëpi. Familja mbretërore u kritikua jashtëmase ato ditë. Princ Harry, i cili ishte vetëm 12 vjeç asokohe, pranoi që vuajti nga depresioni për një farë kohe. Të dy djemtë e Lady Dianës kanë folur publikisht për impaktin që pati vdekja e nënës së tyre në moshë aq të vogël./E.L
