Një drejtues mjeti është ndaluar mesditën e sotme, nga Policia e Fierit, në dyshimin se aksidentoi një të ri.
Drejtuesi i mjetit i identifikuar me inicialet A. B nga fshati Pojan i Fierit dyshohet se pasi e aksidentoi këmbësorin e la atë pranë një kanali buzë rrugës, pa i dhënë ndihmën e parë.
Njoftimi i Policisë
“Pas një pune hetimore intensive nga Specialistët e Qarkullimit Rrugor dhe Specialistët për Hetimin e Krimeve, u bë i mundur kapja dhe ndalimi i shtetasit A.B, 24 vjeç, banues në Pojan. Shtetasi A.B, duke drejtuar automjetin tip “Volkswagen” në aksin rrugor Fier-Dërmënas, dyshohet se ka aksidentuar shtetasin A.Xh dhe më pas është larguar nga vendngjarja”- njofton policia.
Materialet do i kalojnë Prokurorisë pranë Gjykatës së Shkallës së Parë Fier për veprime të mëtejshme proceduriale.
