Moderatorët, Roza Lati dhe Arjon Muça “u martuan” live gjatë emisionit “Why Not”, por ndryshe nga martesat e tjera, kjo e tyre mori fund brenda disa sekondash. Roza ishte ajo që vendosi t’i propozojë Arjonit, i cili, mbas shumë lutjesh pranoi. Por ky i fundit “shkatërroi” gjithçka brenda pak sekondash vetëm me një fjali.
“Pranoj, sepse kuptoj fuqinë e portaleve dhe vlerën që kanë tek shoqëria jonë. Por nuk më pëlqejnë kafshët. Është problem për ty?”, tha Arjoni.
Pas kësaj fjalie martesa e tyre disa sekondëshe mori fund, pasi Roza është një personazh që siç ajo vetë thotë, i adhuron kafshët, sidomos qentë. Ajo sqaroi se pas kësaj fjalie nuk mund të funksionojnë si çift, por do të mbeteshin miq.
Kujtojmë se pak kohë më parë Roza Lati, e njohur për natyrën pa komplekse në një nga puntatat e programit “Why Not”, zbuloi se moderatori Arjon Muça ka qenë fiksimi i saj në vitin 2009.
Teksa komentonte fotot e disa prej personazheve të njohur shqiptarë që iu bashkuan sfidës së 10 viteve, Roza komentoi foton e Arjon Muçës duke thënë:
“Kur e nxorri Arjon Muça këtë foton në Instagram, unë kam qenë shtrirë në krevat dhe i shkruajta në inbox: ‘Nuk di si ta them, po në 2009-ën ke qenë fiksimi im.’ Më shkruajti: ‘Po mbrapa ça ndodhi?’ Unë i ktheva përgjigjen: ‘Thjesht u hutova!”./E.M
