Brazil – Qindra njerëz mendohet të kenë humbur jetën pasi një pellg balte nën pronësinë e kompanisë së minierave Vale gllabëroi zyrat dhe një kafeteri ku punonjësit po hanin drekë. Ngjarja ndodhi në Brunadinho të Brazilit pasditen e së premtes. Shembja e pellgut të baltës çliroi një valë mbetjesh hekuri të kuq, duke shkaktuar një nga katastrofat mjedisore më të këqija në histori.
Autoritetet thonë se 40 njerëz kanë vdekur dhe më shumë se 300 të tjerë vijojnë të jenë të humbur. 100 njerëz kanë arritur t’i shpëtojnë detit të baltës, por kompania Vale publikoi një listë me 412 punonjës me të cilët nuk janë përgjigjur ende kur janë kontaktuar. Romeu Zema, Guvernatori i Shtetit, tha se nuk ka shpresë për të mbijetuar të tjerë.
“Shancet për mbijetesë janë minimale dhe me gjasë do shpëtojnë trupa,” tha ai. Megjithatë, kërkimet për të humburit vijojnë intensivisht./E.L
