Catherine Deneuve, aktorja e famshme franceze ka nxjerrë në ankand rreth 130 fustane të ideuar dhe qepur posaçërisht për të nga miku i saj i ngushtë, Yves Saint Laurent. Disa prej fustaneve janë të veshur dhe në ndarjen e çmimeve Oskar.
Sipas “Reuters” aktorja 75-vjeçare përfitoi 900,625 euro nga shitja e fustaneve përmes shtëpisë së ankandeve Christies.
Chatherin, tejet e dhënë pas modës, vendosi t’i shiste fustanet pasi shiti një shtëpi në veri të Francës, në Normandy. Siç duket fustanet e saj qëndronin atje prej vitesh, të mbuluar nga pluhuri.
Deneuve nuk ka deklaruar për çfarë do të përdoren fondet. Aktorja dhe stilisti u njohën kur ajo ishte vetëm 22 vjeç dhe ishin miq të ngushtë për vite me rradhë. Yves Saint Laurent, ishte një nga stilistët më me influencë në botën e modës, dhe u bë i famshëm kryesisht për popullarizimin e kostumeve për gra. Ai ndërroi jetë në vitin 2008./E.M
