Një ndër kryebashkiakët më të akuzuar nga opozita, Qazim Sejdini i Elbasanit nuk do të rikandidojë më në zgjedhjet lokale. Lajmi u bë i ditur nga kreu i grupit socialist Taulant Balla, njëherësh deputet i zonës.
I pyetur për kandidatët e PS në zgjedhjet e 30 qershorit 2019, Balla tha në emisionin “Open” se Sejdini vendosi vetë të mos rikandidojë.
“Qazim Sejdini ka vendosur që të mos jetë më kandidat për Bashkinë e Elbasanit. Është një vendim i tij”, tha Taulant Balla.
Qazim Sejdini drejton Bashkinë e Elbasanit prej vitit 2007. Opozita e ka akuzuar për lidhje me bandat kriminale. Këto akuza u intesifikuar pas incidentit tek tregu ushqimor, ku Suel Çela goditi makinën e zv/drejtorit të policisë. /Ri-De
