Jona Spahiu, e konsideruar si një prej vajzave më të ëmbla të ekranit prej disa muajsh po shijon mëmësinë. Pas lindjes së vogëlushit Raiden, Jonën se kishim parë më në televizion. Edhe pse kishim menduar se ajo po merrte pak kohë për t’iu përkushtuar të birit, mesa duket Jona paska planifikuar të tjera surpriza.
Jona ndau në Instagram lajmin se do të merret me organizimin e eventeve, që siç e thotë Jona është një pasion i saj, të cilin ajo dëshiron ta kthejë në profesion.
“Prej pak kohësh po sprovoj veten në një fushë të re, atë të organizimit të eventeve. Si natyrë kërkuese gjithnjë mendoj që s’është mjaftueshëm, por pavarësisht druajtjes erdhi koha ta ndaj me ju këtë pasion timin. Në këtë rrugëtim të ri, deri më tani, ata që më kanë besuar ditët e tyre speciale kanë qenë miqtë e mi, por jam shumë entuziaste të bëj miq të rinj të cilët do të besojnë te përkushtimi, puna dhe idetë e mia”, shkruan ajo në një postim të sajin në Instagram.
Por a do ta shohim më Jonën në ekran?Duket se të paktën për momentin, ky nuk është plani i saj. /Opinion.al
