Saturday Night Live u rikthye për herë të parë në ekran për vitin 2019 mbrëmjen e djeshme. Pavarësisht zhurmës dhe rrëmujës që shkaktoi muajin e kaluar Pete Davidson, ai u shfaq duke bërë humor. Në dhjetor ai i trembi të gjithë të afërmit dhe fansat pas një mesazhi shqetësues.
“Nuk dua të rri në këtë botë më. Po bëj më të mirën e mundshme të qëndroj këtu për ju por nuk di edhe sa do duroj. Gjithçka kam dashur është të ndihmoj njerëzit. Kujtojeni këtë që po them.”
Ky ka qenë mesazhi që ka shpërndarë Davidson në Instagram. Menjëherë miqtë e tij dhe ndjekësit kanë reaguar duke ofruar mbështetje dhe gjithçka që ka nevojë. Pak minuta më vonë, ai e ç’aktivizoi llogarinë e tij. Shumë fansa aluduan se Ariana Grande ishte arsyeja pse komediani arriti në pikën që nuk e donte më jetën.
Departamenti i Policisë së New York menjëherë mori masa duke dërguar oficerë të kontrollojnë gjendjen e tij. Përpara kësaj, ai i shfaqi mbështetjen në Tëitter Kanye Ëest, ndërsa ky i fundit i adresohej problemeve të shëndetit mendor.
“Bravo Kanye West që i dole vetes për zot dhe fole për shëndetin mendor. Është e pashpjegueshme t’ju them sa e vështirë është të hapesh për të tilla gjëra. Na duken njerëz si Kanye. Askush nuk duhet të tallet me dikë që pranon me trimëri çrregullimin mendor. Jam i neveritur.”
Por mesa duket komediani e ka lënë dhimbjen prapa krahëve. Ose nëse marrim për bazë fjalët e tij, e gjitha ka qenë një shaka! Në një hedhje batutash me bashkëprezantuesin John Mulaney, Pete tha: “Pasi vëzhgova jetën e John, kërcënova vetëvrasjen.”
Ai shtoi se kjo ishte e gjitha një shaka që s’duhet ta kishte bërë kurrë, edhe pse në episodin e fundit të SNL ai nuk dukej në gjendje për të bërë humor. Në fund të batutës, në referencë të ish të fejuarës, Ariana Grande, Pete tha: “Atë nuk e kam përmendur në asnjë moment!”
Me këtë aktori i SNL na la të kuptojmë që Ariana nuk ishte shkaktarja e gjendjes së tij emocionale, dhe njerëzit nuk duhet ta lidhin më emrin e tij me këngëtaren./E.L
