Dy ushtarakët serbë, punonjës të Forcës së Sigurisë së Kosovës, të cilët ishin ndaluar nga autoritetet serbe mëngjesin e sotëm në pikën kufitare të Jarinës janë liruar tashmë. Lajmi është bërë i ditur nga mediat kosovare, të cilat thonë se Alen Ujkanoviq dhe Anel Ujkanoviq, të cilët ishin nisur për t’i vizituar familjarët e tyre në Novi Pazar, janë pyetur nga autoritetet e Serbisë për më shumë se tre orë.
“Pjesëtarët e FSK-së, Alen Ujkanoviq dhe Anel Ujkanoviq janë liruar nga autoritetet e Serbisë pas një intervistimi që ka zgjatur rreth tre orë”, ka thënë për Klan Kosova, Gjenerali Rrahman Rama, i cili ka shtuar se tashmë të dy ushtarakët ndodhen tek familjet e tyre.
Kujtojmë që paraditen e sotmë, Kryeministri Haradinaj e cilësoi presion dhe persekutim çnjerëzor arrestimin e tyre.
