Prej disa kohësh, Diego Armando Maradona është ndarë nga e dashura e tij, Rocio Olivia, pas 6 vitesh së bashku. Por, shkëputja e tyre nuk ishte shumë e qetë, pasi partnerja e tij ka kërkesa ligjiore dhe ekonomike nga argjentinasi.
Ky i fundit ka ndërhyrë në lidhje telefonike në një emision duke shpërthyer në fjalë të rënda kundër saj. “Nuk jam një njeri që rreh gruan, por dua, t’ia pres kokën. Ajo më bëri gjithçka mua. I telefonova avokatit të saj dhe më tha se ajo kishte nënshkruar një dokument, ku deklaronte se nuk do të thoshte asgjë. Tani është me pushime, të cilat po i bën me paratë e mia”, ka deklaruar argjentinasi.
Gjithashtu Maradona ka pohuar dhe faktin se do të marrë shtëpinë që i ka dhuruar ish-partneres në Buenos Ajres. “Më vjen keq, por unë nuk jam babagjyshi i Krishtlindjeve, që shkon duke pyetur njerëzit për çfarë kanë nevojë dhe t’ua plotësoj dëshirat… Unë punoj, ashtu si të gjithë të tjerët në botë”, ka përfunduar ai.
