Kryetari i Partisë Demokratike, Lulzim Basha, do të jetë i ftuari i mbrëmjes në emisionin ‘Opinion’ në Tv Klan.
Në daljen e parë televizive për 2019-tën, Basha do të jetë përballë drejtuesit të emisionit “Opinion”, Blendi Fevziu dhe gazetarëve Mirela Milori, Andi Bejtja, Robert Rakipllari dhe Mentor Kikia.
Në fokus të debatit të sotëm televiziv, kreu demokrat do të flasë për disa çështje të rëndësishme të aktualitetit në vend, duke filluar nga ndryshimet në qeveri, Unaza e Re dhe skandali i publikuar në media, protestën studentore, si dhe mos dekretimin e Gent Cakajt nga presidenti Meta.
