Kryeministri Edi Rama ka kërkuar serish sot nga gazetarët t’i kërkojnë falje Saimir Tahirit, ish-ministrit të Brendshëm, teksa u pyet nga gazetarët nëse do të ketë një rikthim të Saimir Tahirit në Partinë Socialiste, nëse do të shpallet i pafajshëm.
Sipas Ramës, ish-Ministri nuk ka vend në PS, nuk është më pjesë e PS, duke shtuar se ndërkohë nuk e ka mendjen te kjo ccështje, teksa ka ironizuar se e ka mendjen te shqetësimi i madh me grupin armiqësor te komplotit.
“Kërkojini falje si fillim për ca i bëtë bazuar te thashethemet e dy përfaqësuesve të llumit që ua dhanë si fakte dhe ju mbushët dynjanë sikur ishin të vërtetat finale dhe arritët në pikën që akuzuat mua dhe ne pse nuk e cuam në burg, pastaj shohim të tjerat dhe kërkojini falje se antimafia italiane dhe prokuroria e Katanias i shkoi deri në fund hetimit dhe muhabetet ishin kazan total. E tha prokuroria e Katanias jo unë e për atë kazan ju kërkuar llogari pse nuk i hoqëm imunitetin dhe pse nuk e cuam në burg, të tjerat ia lëmë procesit. Ndërkohë nuk e kam mendjen fare atje, e kam te shqetësimi për grupin armiqësor”- tha Rama.
