Prej ditës së hënë në faqen e Opinion.al është hapur sondazhi: Cili nga ministrat mendoni se duhet të largohet? Nga votimet e deritanishme 6 ministrat që sipas qytetareve kanë performancë të dobët janë: Ministrja e Arsimit, Lindita Nikolla; ministri i Intrasftrukturës dhe Energjisë Damian Gjiknuri; ministri i Ekonomisë dhe Financave, Arben Ahmetaj; ministrja e Kulturës Mirela Kumbaro; ministri i Jashtëm Ditmir Bushati dhe ministrja e Shëndetësisë Ogerta Manastirlliu.
Siç shihet perceptimi i njerëzve për punën e ministrave lidhet ngushtë me situatën social-ekonomike në vend dhe me akuzat e opozitës. Kësisoj Nikolla ka qenë në qendër të kritikave pas protestës së studentëve. Gjiknuri pas skandalit të tenderit tek Unaza e Re, Kumbaro për çështjen e Teatrit, e kështu me radhë.
Gjithsesi ky nuk është rezultati përfundimtar. Qytetarët janë të ftuar të votojnë në sondazhin e Opinion.al i cili do të vazhdojë të jetë i hapur edhe për disa ditë.
