Pesë persona kanë mbetur të plagosur mbrëmjen e së hënës pasi makinat me të cilat udhëtonin u përplasën në aksin rrugor Milot – Lezhë, në vendin e njohur si Ura e Milotit.
Sipas policisë, aksidenti ka ndodhur rreth orës 21:15. Nga përplasja e mjetit tip Ford Focus me mjetin tip Golf kanë mbetur të plagosur A.I. 26 vjeç, A.I. 67 vjeç, A.T. 24 vjeç, banues në Shkodër, si dhe K.F. 34 vjeç e A.F. 33 vjeçe, banues në Tiranë.
Tre të parët u dërguan në Spitalin Rajonal Lezhë, ndërsa dy të fundit janë dërguar në Spitalin e Traumës Tiranë për ndihmë më të specializuar mjekësore.
Fatmirësisht të gjithë të plagosurit janë jashtë rrezikut për jetën.
Grupi hetimor vazhdon hetimet për zbardhjen e plotë të shkaqeve të aksidentit.
