Një tjetër student i Universitetit Bujqësor tregoi kurajo duke i thënë Kryeministrit në sy se kërkesat duhet të zgjidhen dhe jo të sorollaten, pasi edhe Rektori Bahri Musabelliu u ka thënë “s’kam këllqe”.
“Na falni për edukatën, se kaq formim kemi. Se kemi një rektor që na tregon këllqet se sa i ka këtu. S’jam ekselent, kam dhe provime të mbartura”, tha studenti, duke shtuar se kërkesat jane te qarta dhe duhen plotësuar.
Gjatë fjalës së tij para kreut të qeverisë dhe studentëve rektori tha se disa gjëra nuk janë në juridiksionin e universitetit.
“Nuk është në këllqet e mia që t’u jap përgjigje për të gjitha pikat pyetjet, pasi disa prej tyre dalin jashtë juridiksionin që ka universiteti”, tha rektori Musabelliu.
Në përgjigje të ankesës së studentit, Rama tha se “kjo protestë ka qenë shuplakë për qeverinë. I mirëpres kritikat sepse ndihmojnë qeverinë ti hapë sytë më shumë. Duhet të jetë më në kontakt me njerëzit. Unë nuk thashë kërkojani rektorit, se unë kur bëj gabim kërkoj falje. Nuk është mungesë burrërie. Ju nuk e keni mësuar dialogun. Është gjëja më normale në botë. Për tarifat kamë thënë do ti ulim për të gjithë por me shkallë, nga ekslentët 100 për qind deri tek nxënësit e 7-ës me 50 për qind”.
