Drejtuesi i emisionit “Opinion”, Blendi Fevziu ka përballur Live të enjten kryeministrin Edi Rama me një student me aftësi të kufizuara.
Studenti i verbër u shoqërua nga drejtuesi i emisionit, gazetari Blendi Fevziu në studio, duke i kërkuar atij të flasë drejtpërdrejt me kryeministrin e vendit. Studenti i kërkoi kryeministrit Rama se për çfarë arsye nuk zbatohet ligji për statusin e të verbërit.
“Pse nuk po e zbatoni ligin zoti kryeministër. Çfarë do ndodhë me ne?”, -i është drejtuar ai Edi Ramës.
Përgjigja e Ramës: Ju e keni automatike. Ndërsa në nivelin master janë universitetet sipas ligjeve që s’duhet t’a bëjnë këtë. Kjo është diçka që unë e kam mësuar nga kjo protestë. Siç kam mësuar edhe gjëra të tjera, pasi unë nuk i di të gjitha. E dyta, universiteti ka një autonomi. Pra, vetëqeveriset. Qeveria e financon universitetin, qeveria e monitoron universitetin, por qeveria as nuk merr vendime mbi universitetin, qeveria as nuk e ka detyrë të ndjekë kategorinë brenda universitetit dhe e gjithë kjo vihet në diskutim, ku ju dhe kategoritë të tjera nuk keni marrë atë që ju takon me ligj.
Shefi i qeverisë deklaroi se qeveria e tij do t’i paguajë tarifat për të gjithë të verbrit, ndërsa studenti me aftësi të kufizuara i kërkojë llogari se pse përmend fjalën “qorr” në publik.
Rama në përgjigjen e tij tha se këtë e ka përdorur duke iu referuar pedagogut Arlind Qorri dhe nuk ka asnjë lidhje për etiketimin e të verbërve.
Biseda mes tyre:
Rama përballë të verbrit: Qeveria e garanton studimin falas deri në sistemin master. Më pas në studimet master janë universitetet që vendosin.
A jeni në dijeni se sa letra i kemi çuar që nga maji ministres Nikolla që të bëhet falas arsimi për ne?
Rama: Kam përmendur emrin e një personi që e ka mbiemrin qorri. Ai është një emër i respektuar.
Studenti: Unë studioj për drejtësi për Bachelor. Unë studioj në privat, por u interesova në shkolla private dhe fillova me bursë 100 përqind.
Rama: Kur unë kam ardhur në qeveri, asnjë fëmijë me aftësi të veçanta nuk kishte asnjë mësues, por sot këtë numër e kemi çuar në 700 mësues. Statusi i veçantë nuk iu jep juve të drejtë pa edukatë. Jeni student, që nesër do ta ushtrosh. Dëgjoj shumë më keq se kaq. Inati i mbetet atij që e ka. Ajo që unë dua të diskutoj. Të gjithëve ju tarifën do ua paguaj shteti. Mos çoni letra, drejtohuni tek platforma Shqipëria.al
Në fund të fjalës së tij, kryeministri Rama u çua nga vendi për t’ia lëshuar studentit të verbër, të cilit i dha edhe shkopin e drejtuesit të emisionit në duar, duke i thënë: Merre këtë shkop dhe kujtohu, nëse nuk e mbaj premtimin, hajde tek unë dhe më godit sa të mundësh./Opinion.al
