Policia në Egjipt po heton disa fotografi të një çifti të zhveshur lakuriq në akt intim në majë të Piramidës së Gizës. Fotgrafitë i përkasin Andreas Hvid. 23 vjeçari ka publikuar foto të tijat me një grua të paidentifikuar në uebsajtin e tij. Ai gjithashtu ka publikuar në Youtube një video duke u ngjitur me partneren në majë të Piramidës.
Në video shfaqet danezi Andreas Hvid së bashku me miken e tij teksa ngjisin monumentin 4500 vjeçar. Kur arrijnë në majë ata ndezin cigare dhe admirojnë qytetin e Cairos. Në video duket një grua e re teksa zhvishet. Më pas imazhi fiksohet te dy të rinjtë, të cilët janë shtrirë lakuriq dhe shohin lindjen e diellit.
Autoritetet egjiptiane e kanë cilësuar videon ofenduese. Sipas Minisrit të Antikiteteve, të rinjtë kanë dhunuar moralin publik. Vetëm ngjitja në Piramidë është akt i paligjshëm. Fakti që dy të rinjtë janë filmuar në akt intim në majë të Piramidës, e rëndon akoma më shumë çështjen./Opinion.al
