Përpara se të fitonte kurorën e “Miss Universe Albania 2018”, Trejsi Sejdini ishte e njohur për publikun shqiptar për sjelljen e saj rebele. Si dhe përfshirjen në konflikte, të cilat kanë marrë vëmendje mediatike.
Mjafton të kujtojmë epitetin që i është vendosur “Gangsterja e Elbasanit”, për të sjellë ndërmend skandalet në të cilat është përfshirë.
Teksa pritet që të përfaqësojë Shqipërinë në eventin e bukurisë “Miss Universe”, që do të mbahet më 16 dhjetor në Bankok, Tajlandë, Trejsi ka tërhequr edhe vëmendjen e mediave të huaja.
Portali spanjoll “E” shkruan se 18-vjeçarja është një balerinë ekzotike që kërcen pothuajse e zhveshur. Dhe se është e dashura e një mafiozi shqiptar.
“18-vjeçarja Trejsi Sejdini është përballur në media me një sërë kritikash. Kjo për shkak të punës së saj si balerinë ekzotike që kërcen komplet e zhveshur. Gjithashtu, në rrjet flitet se ajo është e dashura e një mafiozi shqiptar”, shkruan media spanjolle “E”.
Në një tjetër portal thuhet se, “Trejsi dallohet për sjelljen e saj rebele dhe të çmendur”.
Gjithashtu media kujton një gjest të Trejsit, e cila teksa bënte një video-live në Instagram, tymoste cigare. Kjo nuk është një sjellje që pritet të përcjellë dikush që cilësohet si “Miss”.
