Unaza e Re po kthehet gradualisht në një kantier ndërtimi. Fillimisht janë hequr shtyllat e ndriccimit dhe pemët, ndërsa ka nisur vendosja e barrierave në rrugë. Kësisoj rruga është ngushtuar në dy kahet e saj. Bashkia e Tiranës ka deklaruar se trafiku do të menaxhohet në mënyrë që fluksi të reduktohet në pjesën e unazës gjatë kohës që kryhen punimet.
“Kemi bërë një plan menaxhimi që do t’i japë prioritet rrugës Dritan Hoxha dhe Rrugës së Kavajës, ndërsa jemi duke punuar shumë fort me rrugët alternative, siç është rruga “Tre Dëshmorët”, që i shërben zonës së Kasharit. Ne besojmë që nuk do të ketë bllokim trafiku, por do të ketë mbingarkesë dhe qytetarët duhet të kenë mirëkuptim, pasi është një nga akset kryesore të qytetit të Tiranës, që i shërben të gjithë qytetit, jo vetëm zonës aty”, deklaroi Drejtori i Transportit në Bashkinë e Tiranës, Enton Punavia.
Volumi më i madh i punimeve do të bëhet në sheshin “Shqiponja”, me ndërtimin e mbikalimit. ërmimet kanë nisur, ndërkohë në fazën e parë të punimeve, trafiku në këtë nyje do të ketë devijim të pjesshëm, duke i detyruar mjetet që vijnë nga Lapraka dhe që duan të futen në Unazën e Re, kthesën ta bëjnë tek mbikalimi i Kamzës.
