Një 26 vjeçar nga Vlora ka kërkuar azil në Korenë e Jugut. Ndonëse shqiptarët i drejtohen zakonisht vendeve të BE-së si Gjermanisë, Britanisë, Francës e Holandës, Orion Delaj ka preferuar vendin e largët.
Media koreane “Korea Times” i ka kushtuar një artikull historisë së 26-vjeçarit nga Vlora ku tregohet rruga e gjatë që ai ka bërë për të shkuar në Kore pasi është larguar nga Shqipëria nga frika e gj.akmarrjes.
I riu ka shkuar në Kore një vit më parë dhe ka treguar se jeton në një dhomë të vogël në rrethin perëndimor të Seulit.
“Unë nuk mund të bëj asgjë, thjesht endem dhe përpiqem të takoj njerëz të mirë. Zgjohem në mëngjes dhe nuk di çfarë të bëj, dhe pyes vazhdimisht veten se çfarë do të ndodhë me mua. E dija që jeta ime në Kore nuk do të ishte e lehtë, megjithëse prindërit më dërgojnë para ndonjëherë dhe duan që unë të largohem nga Koreja. Por problemi është se kjo mënyra e jetës nuk është njerëzore. Në Shqipëri nuk ka të ardhme për mua, nuk ka asgjë tjetër, jo vetëm në Shqipëri, por në të gjithë Evropën”, është shprehur ai me median koreane.
Kanuni dhe vrasjet
Xhaxhai i tij është vrarë në shtator të vitit 2006 në një ekzekutim mafioz. Po ashtu në shtator 2012 kushëriri i Orionit i quajtur Amarildo Delaj, u vra përpara lokalit të tij në Vlorë pasi u qëllua me më shumë se 10 plumba. Orion Delaj thotë se këto dy vrasje kanë të bëjmë me gjakmarrje në bazë të Kanunit.
“Unë erdha në Kore t’i shpëtoj Kanunit. Prindërit dhe dy motrat jetojnë në Itali. Nuk ka rëndësi sa vite kanë kaluar apo kush je dhe ku je ti. Ata njerëz do të gjejnë ty. Ky është një realit i trishtuar i vendit tim. Qeveria shqiptare e di kush janë vrasësit dhe çfarë ata bëjnë, por ata janë një mafie e vërtetë që korrupton dhe qeverinë e gjyqtarët. Unë mund të kërkoja azil në Gjermani, Norvegji, Suedi apo Finlandë por nuk shkova në asnjë nga këto vende. Erdha këtu sepse u ndjeva më i sigurt”, ka thënë ai per median koreane. I riu qendron që prej nëntorit të vitit 2017 në Kore në pritje të pranimit të kërkesës së tij për azil.
