Sandër Lleshaj është betuar të premten si ministër i Brendshëm një ditë pas miratimit në Kuvend të dekretit të presidentit Ilir Meta. Ceremonia e betimit u mbajt në Institucionin e Presidencës.
Pasi ekzekutimit të himnit, Lleshaj u betua përpara Kushtetutës dhe më pas firmosi.
Kujtojmë se rruga deri tek betimi i Lleshajt si ministër i Brendshëm, duke zëvendësuar kështu Fatmir Xhafajn, pas dorëheqjes së këtij të fundit, ishte shumë e gjatë. Kjo pasi mes presidentit Meta dhe kryeministrit Rama pati përplasje për dekretin, për shkak të gradës Gjeneral që mbante Lleshaj.
Por pasi Meta nuk e dekretoi Lleshajn herën e parë si ministër, propozimi për emrin e tij shkoi sërish në tavolinën e presidentit. Meta pasi e liroi Lleshajn nga grada Gjeneral me kërkesë të tij, dekretoi emrin e tij si ministër.
