Pak ditë më parë Mimoza Shkodra na tregoi se e ka lënë pas ndarjen me Seldin dhe se tani është përqendruar totalisht në karrierën e saj.
Këngëtarja zbuloi gjithashtu se pas dy bashkëpunimeve radhazi me Seldin, ishte koha të vinte vetëm në muzikë. Por para se ta sqaronte këtë të gjithë aluduan për një bashkëpunim mes saj dhe reperit të famshëm Gold AG për projektin e ri.
Ndërkohë që menduam se Seldi kishte hequr dorë nga muzika, ai u shfaq pranë bukuroshes së OTR, Keisi Meidini. Seldi publikoi një fotografi në Instagram. Aty shfaqej afër Keisit, e me sa duket po punonin për këngën e re.
Keisi e cila është njohur fillimisht si vajza e këngëtarit Sabian, është pjesë e grupit OTR. Ajo njihet si modele dhe aspiron të bëhet pjesë e tregut muzikor.
