Mediat britanike disa herë kanë shkruar për bandat shqiptare që operojnë në vende të ndryshme. Sipas tyre shqiptarët kriminelë janë një rrezik për vendin e tyre.
Sot “Sunday Express” ka botuar një shkrim me titull “Bandat shqiptare të drogës, vazhdojnë tregtinë në Britaninë e Madhe”.
Shkrimi i gazetës së njohur britanike:
Banda “Hellbanianz” është një prej bandave që kanë lidhje me mafien në atdheun e tyre që merren drejtpërdrejt me kartelet e drogës në Amerikën Jugore.
Grupet kriminale shqiptare kanë krijuar një profil të lartë dhe shkallë të ndikimit brenda krimit të organizuar në Mbretërinë e Bashkuar dhe kanë qasje të konsiderueshme në tregun e trafikimit të drogës në Mbretërinë e Bashkuar, veçanërisht kokainë.
“Ata po zgjerohen dhe rëndësia e tyre po rritet”. Shumë nga anëtarët e bandës janë fëmijët e shqiptarëve që erdhën në Britani të Madhe si azilkërkues nga veriu i vendit ballkanik në fund të viteve 1990.
Anëtarë të Hellbanianz kanë postuar video që tregojnë armë mbi tavolina me kuti municioni, të rrethuara me para.
Motoja e tyre është “Ne jemi Perëndia i rrugëve”.
Një anëtar i grupit është fotografuar duke mbajtur një armë gjahu në Facebook me titullin : “E mbaj këtë gjatë gjithë kohës. Eshtë e rrezikshme por ende i vetmi mik”.
Një tjetër anëtar i bandës, me pseudonimin Pato, mburrej në Instagram: “Burgu është bërë si një shtëpi dhe kafene në Amsterdam”.
