Michelle Obama ka rrëfyer se është ndjerë ‘e humbur dhe vetëm’ pas një aborti natyral 20 vjet më parë. Ajo tregoi se iu nënshtrua fekondimit ‘in vitro’ për të ngjizur dy vajzat e saj.
“Ndihesha dështake. Nuk e dija sa të zakonshme ishin abortet natyrale. Nuk flitet për to”, ka thënë ish zonja e parë në një intervistë për “Good Morning America” të televizionit Abc.
“Mbyllemi në dhimbjen tonë, duke menduar se jemi me difekt”, ka treguar më pas.
Michelle, e cila sot është 54 vjeç, ka thënë se ajo dhe Barack Obama i janë nënshtruar fekondimit artificial për të sjellë në jetë Sashën dhe Malian. Vajzat janë respektivisht 17 dhe 20 vjeç.
“U ndërgjegjësova se isha 34 vjeç”, ka thënë Michelle e cila ishte dukshëm në formë të shkëlqyer në intervistën e saj.
“Duhet të përdornim fekondimin artificial”, sepse trupi ka orët e tij biologjike.
Të martën pritet të dalë në libraritë amerikane “Becoming”, libri me kujtime të Obama-a. Ai do të nisë nga Chicago një tur promovimi, i denjë për një yll rroku dhe do të vazhdojë në 10 qytete./Opinion.al
