E veçanta e sfilatës së Victoria’s Secret ishte pjesëmarrja e dy këngëtareve me origjinë shqiptare, Rita Ora dhe Bebe Rexha.
Vajzat shkëqyen në një nga pasarelat më të famshme të vitit, me veshjet e tyre seksi dhe ekstravagante. Rita Ora kishte zgjedhur të vishej me një “body” të zi dhe çizme mbi gju të mbushura me temina. Look-u i saj përmirësohej me flokët e gjatë platin që i kishte zgjatur dhe një kapelë e modelit ‘beret’.
Nuk mungonin aksesorët e shumtë në qafë dhe duar, gjithandej flori.
Bebe Rexha kishte zgjedhur një kostum neon në ngjyrë rozë për të performuar në sfilatën e Victoria’s Secret. Çizmet mbi gju, “body” dhe pelerina në të njëjtën ngjyrë e bënin këngëtaren 29-vjeçare të dukej si një flamendo në skenë teksa performonte “I’m a mess”.
Para se të dilte në skenë këngëtarja publikoi një foto e veshur me rrobëdeshambërin e famshëm të zi të Victoria’s Secret, për të thënë se është gati për skenën gjigante.
