Eni Shehu nuk e lë me kaq: “Mesa duket i mungoj profesionalisht Nevinës”.
Derisa të kemi një përballje mes dy ish-kolegëve, marrëdhënia mes tyre do të vijojë të jetë në qendër të vëmendjes së mediave.
Ndonëse Nevina Shtylla i vuri pikë deklaratës së Eni Shehut . Ai tha se mes tyre nuk ka pasur marrëdhënie shoqërore. Menjëherë pas kësaj deklarate, “Iconstyle.al” ka kontaktuar me moderatoren për të mësuar versionin e saj të ngjarjes.
Nevina Shtylla nuk i hoqi asnjë pikë apo presje deklaratës së Eni Shehut. Ajo tha se nuk ka asnjë prapaskenë në marrëdhënien mes tyre dhe se jeta vazhdon edhe jashtë rrjeteve sociale:
“Është shumë e drejtë dhe e saktë çfarë ka thënë Eni dhe nuk ka ndonjë prapaskene. Jeta (ajo e vërteta) vazhdon dhe jashtë rrjeteve sociale”!
Por gazetari nuk e ka lënë me kaq.
Në një prononcim të dytë për “Anabel.al”, ai u shpreh se nuk sheh asnjë arsye për t’i bërë block askujt, por nuk e mohon që “edhe mund ta ketë shtypur pa dashje” këtë opsion.
“Uroj të gjejë veten në programin e ri të sportit që mesa kujtoj, e ka përçmuar”, vijon deklarata e tij që i referohet intervistës së Shtyllës në “Pop Culture” pak muaj më parë, ku shprehej se nuk ishte e prirur ndaj futbollit dhe formatit të një emisioni të tillë.
Aktualisht Nevina ka kaluar në televizionin “Top Channel” ku moderon ‘Procesin Sportiv’ krah Edi Manushit.
