Princesha japoneze Ayako është martuar këtë të hënë, me një njeri të thjeshtë, duke humbur kështu statusin e saj mbretëror. Dasma u zhvillua në Shrine të Meijit në Tokio, duke zbatuar ritualet japoneze. Ayako dhe Kei Moriya, i cili punon për kompaninë e madhe të transportit detar “Nippon Yusen”, u shfaqën në lajmet kombëtare duke ecur ngadalë para të ftuarve.
Ayako ishte veshur sipas stilit të epokës Heian. Me flokët të mbledhura lart në formën e zemrës dhe në fund bisht, dhe një mantel tradicional me të kuqe dhe jeshile, që më vonë u ndryshua me një mantel tërësisht të kuq.
Çifti u takuan sepse nënat e tyre ishin mikesha shumë të mira. Dhe që në takimin e tyre të parë, ata ndjenë një tërheqje për njëri-tjetrin, shkruan DW.
“Unë jam e lumtur” u tha Ayako gazetarëve pas ceremonisë. Ndërsa burri i saj Moriya tha se shpresonte ta ndihmonte gruan të përshtatej me jetën e e zakonshme.
“Dua që ne të punojmë së bashku, krah për krah, për të krijuar një familje të mbushur me buzëqeshje”, tha ai.
Arsyeja pse Aykao u detyrua të hiqte dorë nga titulli, është për shkak se Moriya vjen nga një familje e thjeshtë. Sipas rregullave të mbretërisë japoneze, gratë e zakonshme që martohen në familjen perandorake bëhen anëtare të familjes. Ndërsa gratë e familjes mbretërore që martohen me njerëz të zakonshmë, duhet të largohen dhe t’u hiqet titulli.
Gazeta në gjuhën angleze “The Japan Times” raportoi se pavarësisht humbjes së statusit të saj mbretëror, Ayako do të mbante pozita nderi në dy organizata.
Kjo nuk është hera e parë që ndodh një gjë e tillë. Pasi edhe Princesha Sajako u martua me një pianist në vitin 2005. Duke u bërë kështu e para anëtare e familjes perandorake që hoqi dorë nga statusi për dashuri.
Martesa e Sajakos u përshkrua si një ngjarje e nivelit të ulët. Ndërsa ajo u la të vijonte jetën e saj në kushte fare modeste. Ajo u shpërngul në një apartament me vetëm një dhomë gjumi, ndërsa iu desh të mësonte si t’i jepte makinës, apo të kryente vetë punë fare të zakonshme siç janë blerjet në supermarkete dhe dyqane.
