Ish-kryeministri Sali Berisha, të enjten, ka publikuar një pjesë të dosjes së prokurorisë për grupin e Avdylajve ku thotë se flitet dhe për Vangjush Dakon.
Përmes një shënimi në Facebook, Berisha shkruan se kryeministri Edi Rama po e fsheh këtë dokument ashtu si edhe prokuroria që ka publikuar vetëm numrat e fundit të telefonit të kryetarit të Bashkisë së Durrësit, Vangjush Dako.
Prej ditësh opozita ka akuzuar Prokurorinë se po prish hetimin për të shpëtuar kryebashkiakun e Durrësit.
