Seanca e kësaj të enjte në parlament ka nisur nga ora 10:00 me diskutimet për ligjin për pijet energjike. Opozita vazhdon bojkotin, ndërsa mazhoranca e vetme sot pritet të votojë për shembjen e teatrit kombëtar dhe mbylljen e lojërave të fatit. Teksa pritej votimi për të rrëzuar dekretin e Metës, që i hap rrugë shembjes së teatrit, Ruçi ka njoftuar 10 minuta pushim.
Kreu i grupit parlamentar të PS-së Taulant Balla kërkoi 5 minuta pushim. Kujtojmë se sot Komisioni i Veprimtarive Prodhuese e rrëzoi sot dekretin e presidentit, ndërkohë që ky qëndrim pritet të miratohet edhe në Kuvend, vetëm me votat e PS-së, pasi opozita mungon.
Ruçi: Para se të kalojmë tek çështja tjetër e rendit të ditës, në mbështetje të nenit 3 të rregullores, kryetari i grupit të PS, Balla ka kërkuar që të futet në rend të ditës dekreti i presidentit për Teatrin. Ky dekret është pjesë e Kuvendit. Është komisioni përgjigjes që e ka përfunduar punën dhe ka paraqitur raporton përkatës.
Balla: Kërkoj 5 minuta pushim për mbledhje grupi parlamentar dhe më pas kalojmë në Kuvend.
Ruçi: 10 minuta pushim.
