Ervin Kurtin i ftuar ditën e djeshme në studion e Rudina Magjistarit ka treguar disa sekrete nga jeta e tij, si dhe ka folur për origjinën që vite më parë e mbante fshehur. Gazetari u shpreh se i vinte turp të tregonte se ishte nga fshati.
“Unë nuk e kisha target që të bëhesha model suksesi që të më ndiqnin të tjerët. Unë ndoqa ëndrrën time. Ka qenë pak e vështirë për mua, në fillim ndihesha i turpëruar kur u thoja njerëzve që jam nga fshati ose nuk ua thoja fare. Gjimnazin e kam bërë tek shkolla e mesme e gjuhëve të huaja ‘’Asim Vokshi’’ dhe kur më pyesnin nga je, unë thoja nga Tirana. S’ka qenë kaq e emancipuar Farka para 17 vitesh, tani është kthyer në destinacion. Puna dhe kontakti me njerëzit më bëri të pyes veten përse duhet të kisha turp se isha nga fshati, kur në mëngjes kam pirë qumësht lope të freskët, jam ushqyer me fruta të freskëta,si dhe kam ngrënë nga produktet e kopshtit”, tha Ervini.
