Meghan Markle nuk do ta kishte marrë kurrë me mend që Pallati i Kensingtonit, kur bëri një foto tipike turistësh kur ishte vetëm 15 vjeç, do të kthehej në shtëpinë e ardhshme të fëmijëve të saj. Në më pak se një vit jeta e saj ka ndryshuar katërçipërisht. Fejesa e shpejtë me princin Harry do të pasohej nga një martesë madhështore më 19 maj të këtij viti. Do të flitej gjatë epër martesën e vazhdon të flitet edhe tani. Por suprizat për dukeshën e Sussex-it nuk kanë të mbaruar. Vetëm pak ditë më parë oborri mbretëror do të jepte lajmin që çdokush priste prej kohësh.
“Meghan Markle është shtatzënë!”
Ky lajm u konfirmua publikisht nga Pallati i Kensingtonit në kuadër të turit të parë mbretëror të Harry-t dhe Meghan Markle në Australi dhe Zelandë të Re. Tanimë të gjithë sytë e botës janë drejtuar tek ajo dhe te trashëgimtari/trashëgimtarja e re. Sipas raportimeve, Meghan është në muajin e katërt tw shtatzënisë. Ajo ka zbuluar se ka një shqetësim që vjen si efekt anësor i shtatzënisë. Ndërsa i duhet të zbatojë planin ditor gjatë turneut në Australi, dukesha po përballet me shenjat e para të pagjumësisë. Këtë ajo e shprehu gjatë një takimi në plazh, ku tha se i del gjumi shumë herët. Rreth orës 4:30 të mëngjesit bën joga në dhomë, pasi nuk mund të flejë. Sigurisht që edhe ndryshimi i orarit është një faktor ndikues në pagjumësinë e dukeshës, por dihet tashmë që shtatzënia shoqërohet me të tilla probleme të vogla.
