Gazeta britanike Daily Mail i ka kushtuar një shkrim kopshtit zoologjik “Safari Park Zoo” që ndodhet në Fier.
Daily Mail shkruan se autoritetet shqiptare po nxiten nga aktivistët që të ndërmarrin veprime ndaj këtij parku, pasi u shfaqën fotografitë që ekspozuan kushtet tronditëse në të cilat jetonin kafshët.
Për autoren e shkrimit ky është “kopshti zoologjik nga Ferri”.
“Fotot e marra në kopshtin zoologjik të Safarit në Fier, në jugperëndim të Shqipërisë, tregojnë një luan të kequshqyer që jeton në kushte skandaloze dhe me një sy që i është qërruar.
Kafshë të tjera, duke përfshirë një zebër, një ujk dhe disa dre, janë parë të mbyllura në kafaze të shkreta betoni në parkun zoologjik në pronësi private”,- shkruan Daily Mail.
Organizata ndërkombëtare e mbrojtjes së kafshëve, e cila ka qenë aktive në Shqipëri vitet e fundit, e konsideroi situatën në këtë kopsht zoologjik “absolutisht të papranueshme”.
Më poshtë do të shikoni fotot që janë realizuar në Fier, tek “Safari Park Zoo”.
