Insitucionet e Arsimit të Lartë janë në ditët e fundit të regjistrimeve. Ndërsa pakësohen mundësitë për t’u regjistruar në universitete, mbeten ende të hapura mundësitë për regjistrme në kolegjet e larta profesionale.
Kolegji Profesional i Lartë TESS është një mundësi e shkëlqyer për të gjithë ata që duan të bëhen profesionistë të bukurisë. TESS është licensuar si kolegj professional i lartë me vendim të Këshillit të Ministrave VKM Nr. 483, datë 31.07.2018.
Janë në total 160 kuota për regjistrime në program 1 dhe 2 vjecare të pofesionistëve të estetikës, grimit dhe artit të flokëve në tre programe me 60 dhe 120 kredite të cilat përfshijnë lëndë që lidhen direkt me profesionin si edhe ligjin, menaxhimin, artin dhe të bukurën në përgjithësi.
Mundësinë për tu regjistruar e kanë të gjithë maturantët të cilët janë në raundin e tretë në portalin UAlbania si edhe të gjithë personat e tjerë të cilët do të vendosin këto ditë të ndjekin arsimin e lartë në këto fusha.
