Shkencëtarët kanë zbuluar një lidhje mes jetëgjatësisë dhe besimit fetar. Personat që shkojnë në Kishë apo Xhami duket se jetojnë rreth 4 vite me shumë se ateistët. Ky përfundim doli nga një analize që iu bë 1000 lajmërimeve për vdekje në të gjithë Amerikën.
Shkencëtarët thonë se kjo lidhje ekziston për disa arsye. E para, besimtarët zakonisht angazhohen në aktivitete sociale gjatë gjithë jetës së tyre. Socializimi është një faktor që lidhet me jetëgjatësinë. Përveç kësaj, elementë të tjerë të besimit fetar, si konsumimi i ulët i alkoolit kontribuojnë.
“Ka akoma më shumë përfitime të besimit fetar, të cilat nuk mund të shpjegohen”, – thotë autorja kryesore e studimit, Laura Wallace. Wallace është një doktorante në Universitetin Shtetëror të Ohajos.
Ndërsa dr. Baldwin Way, profesor i asociuar i psikologjisë tek Universiteti Shtetëror i Ohajos dhe bashkautor i këtij studimit tregon se edhe pse këto gjetje mund të duken si gjepura për ateistët, ka një lidhje që nuk mund ta injorojmë.
“Studimi siguron të dhëna bindëse që ka një lidhje mes besimit fetar dhe sa gjatë jeton një person”,-thotë ai./Gazeta Shëndeti
