Prokuroria për Krime të Rënda do të marrë sot në pyetje Fredi Alizotin, i cili dyshohet se ka imituar zërin e Agron Xhafajt në audio përgjimin e publikuar disa muaj më parë nga PD.
Ndërkohë Alizoti u shfaq në një video përgjimi të publikuar nga Salianji dy ditë më parë në “Opinion”, i cili përfshin në këtë çështje drejtorin e Policisë së Shtetit, Ardi Veliu dhe deputetin e PS, Taulant Balla.
Krimet e Rënda thonë se shtetasi Fredi Alizoti ka qenë në përgjim për nevoja të hetimeve, me Vendimin e Prokurorit të datës 22.05.2018, të vleftësuar me vendimin e Gjykates Nr. 457 datë 24.05.2018, pra disa ditë para se të komunikonte me sallën operative të policisë Fier dhe të pyetej nga prokuroria.
“Kjo për shkak se gjatë përgjimit të bisedave telefonike të shtetasit Albert Veliu ka rezultuar si personi që ka komunikuar me të disa herë i shqetësuar dukë bërë biseda, për të cilat ka patur të dhëna gjatë përgjimit për përfshirjen e tij bashkë me shtetasin Albert Veliu në realizimin e audio përgjimit”.
