Një vajzë e re ka denoncuar në rrjetet sociale të dashurin e saj të dhunshëm që e ka rrahur. Ai e ka goditur me grushte dhe shkelma 22-vjecaren nga Florida. Kjo vetëm për një foto jo të hijshme sipas tij, që ishte postuar në Instagram.
Melissa Gentz kishte postuar një foto, e cila sipas të dashuri të saj ishte me dekolte shumë të hapur dhe për këtë arsye 25-vjecari Erick Bretz e ka goditur atë.
Ajo ka treguar historinë e saj në Instagram, duke postuar dhe foto me syrin e nxirë. I dashuri i kapur nga një krizë xhelozie kishte tentuar ta mbyste, duke i vendosur kokën mes këmbëve.
Melissa tregoi se kishte lajmëruar menjëherë policinë, e cila e shoqëroi në komisariat. Më pas ka rrëfyer se i dashuri i saj është një biznesmen e njohur dhe pasi u mor në pyetje nga policia, pagoi lirinë me kusht dhe doli.
